13:08 25-12-2020
news_image
156
FUTBOL

İkinci “yüzlüy”ə keçdi – “Qəbələ”

“Qəbələ” tarixində 100-cü səfər qələbəsini qazanıb. 

Apasport.az klubun saytına istinadən məlumat verir ki, bu, Azərbaycan Premyer Liqasının XIII turuna təsadüf edib. 

2020-ci ilin son matçına çıxan “qırmızı-qaralar” “Səbail”ə 3:1 hesabı ilə qalib gəlib. 100-cü qələbə klub tarixinin 284-cü səfər oyununda qeydə alınıb.

Rəqib meydanlarında ilk qələbəsini 2005-ci ilin oktyabrında qazanan komandamız 1-ci dəstənin “Viləş”lə qarşılaşmasında 3 xal əldə edib – 3:1. Ümumiyyətlə, “qırmızı-qaralar” Premyer Liqada 74, 1-ci dəstədə 9, Azərbaycan kubokunda 14, Avropa Liqasında 3 görüşdən qalib dönüb.

100-cü səfər qələbəsinə vurduğu qolla töhfə verən Asif Məmmədov “Qəbələ”nin heyətində 15-ci dəfə fərqlənib. “Səbail”lə görüşə kapitan kimi çıxan təcrübəli yarımmüdafiəçi klub tarixinin bombardirləri siyahısında Deon Bartona çatıb. Bu cütlük yalnız 11 futbolçudan geri qalır: Viktor Mendi – 33, Dodo – 30, Baqali Dabo – 27, Filip Ozobiç – 25, Cavid Hüseynov, Stiven Monroz, Rövşən Əhmədov – 20, Daniel Subotiç – 19, Aleksey Qay, Kənan Kərimov – 18, Yannik Kamanan – 17.