10:47 26-12-2020
news_image
83
FUTBOL

“Qalatasaray”ın istədiyi hücumçu – danimarkalı

Qış fasiləsində heyətində bəzi dəyişikliklər etməyi planlaşdıran Türkiyənin “Qalatasaray” klubu almaq istədiyi hücumçunu müəyyənləşdirib.

Apasport.az saytının məlumatına görə, “cim-bom” Norveçin “Bodo-Qlimt” klubunda çıxış edən Kasper Yankerin transferində maraqlıdır.

Radamel Falkao və Mbaye Dianın satılmasına razılıq verən baş məşqçi Fatih Terim əvəzində yüksək maaş tələb etməyən forvard axtarışında idi. Onun köməkçiləri Necati Atəş və Ümit Davalanın bir müddətdir izlədiyi Yanker bu baxımdan uyğun gəlir. Bu ilin əvvəlində ölkəsi Danimarkanın “Horsens” klubundan 600 min avro qarşılığında “Bodo-Qlimt”ə keçən 26 yaşlı oyunçu üçün danışıqlara start verilib.

Qeyd edək ki, Danimarkanın gənclər millisinin sabiq futbolçusu bu mövsüm 26 oyunda 28 qol vurub, 11 məhsuldar ötürmə verib.