11:39 12-02-2021
news_image
5817
FUTBOL

Kim gəldi, kim getdi? - YENİLƏNİB

Azərbaycanda “transfer pəncərəsi” bağlanıb.

Apasport.az saytının məlumatına görə, qısamüddətli qış fasiləsi dönəmində Premyer Liqa klubları heyətdə ciddi dəyişikliklərə əl atmayıblar.

Adətən dövrələrarası fasilədə çox transfer reallaşmır. Bu dəfə koronavirus pandemiyasının da buna müəyyən təsiri olub. Çempionluğa iddia edən komandalardan “Neftçi” son gündə heyətinə cəlb etdiyi hücumçu transferi ilə kifayətlənibsə, “Qarabağ” sərəncamındakı oyunçulara güvənməkdə davam edəcək.

“Qəbələ”də isə, ümumiyyətlə, nə gələn olub, nə də gedən. Ən fəal komanda 5 transferlə “Keşlə” olub. Komanda hətta baş məşqçi dəyişikliyinə də əl atıb.

"Neftçi"
Gələn:
Orxan Qurbanlı ("Səbail": icarədən qayıdıb), Ahmed Ahmedov (MOİK, Bolqarıstan: icarəyə)
Gedənlər: Prins İbara (“Beerşot”, Belçika: icarə müqaviləsinə xitam verilib), Cabir Əmirli ("Sumqayıt": icarəyə)
Müqavilə müddətini uzadan: yoxdur

"Qarabağ"
Gələn:
yoxdur
Gedən: Musa Qurbanlı ("Zirə", icarəyə), Vild-Donald Gerye ("Apollon", Kipr)
Müqavilə müddətini uzadan: Abdullah Zubir

"Zirə"
Gələnlər:
Musa Qurbanlı ("Qarabağ", icarəyə), Nemanya Andelkoviç ("Zlatibor", Serbiya), Filipe Paxtmann ("Lvov", Ukrayna: icarəyə)
Gedənlər: Ali Sesay ("Səbail"), Kayo Rangel ("Santo Andre", Braziliya), Rəşad Eyyubov
Müqavilə müddətini uzadan: yoxdur

"Sumqayıt"
Gələnlər:
Cabir Əmirli ("Neftçi": icarəyə), Mehdi Şərifi ("Paykan", İran), Höccət Haqverdi ("Peykan", İran), Dmitri Nağıyev ("Dinamo-Avto", Moldova)
Gedənlər: Adəm Həmati, Kərəm Sultanov
Müqavilə müddətini uzadanlar: Rüfət Abdullazadə, Səbuhi Abdullazadə

"Qəbələ"
Gələn:
yoxdur
Gedən: yoxdur
Müqavilə müddətini uzadan: yoxdur

"Səbail"
Gələnlər:
Luka İmnadze ("Samtrediya", Gürcüstan), Milovan Petroviç ("Vardar", Şimali Makedoniya), Ali Sesay ("Zirə")
Gedənlər: Arsen Ağcabəyov ("Sabah": icarə müqaviləsinə xitam verilib), Orxan Qurbanlı ("Neftçi": icarə müqaviləsinə xitam verilib), Bəxtiyar Rəhmani ("Dalkurd", İsveç), Bahadur Həziyev ("Keşlə"), Əli Sadıxov, Murad Qayalı, Elgün Nəbiyev
Müqavilə müddətini uzadan: yoxdur

"Keşlə"
Gələnlər:
Sənan Qurbanov (baş məşqçi), Anatole Abanq ("Şerif", Moldova), Nicat Qurbanov ("Samtrediya", Gürcüstan), Sadio Tounkara ("Narva Trans", Estoniya), Yevgeni Koçuk ("Sabah"), Bahadur Həziyev ("Səbail")
Gedənlər: Yunis Hüseynov (baş məşqçi), Alvaro Tavareş ("Lvov", Ukrayna: icarə müqaviləsinə xitam verilib), Dmitri Klots ("Sabah"), Aleksandr Kristovao, Şohrux Qadoyev, Artur Batista, Rəşad Sadiqov
Müqavilə müddətini uzadan: yoxdur

"Sabah"
Gələnlər:
Arsen Ağcabəyov ("Səbail": icarədən qayıdıb), Tiemoko Fofana (“İlves”, Finlandiya: icarəyə), Dmitri Klots ("Keşlə"), Zurab Oçiqava ("Levadiya", Estoniya), Bəxtiyar Həsənalızadə
Gedənlər: Ozan Can Kökçü ("Telstar", Niderland: icarəyə), Yevgeni Koçuk ("Keşlə"), Abbas Ağazadə, Ulisse Diallo, Nikola Vuyadinoviç
Müqavilə müddətini uzadanlar: Təmkin Xəlilzadə, Şakir Seyidov