09:00 25-01-2021
news_image
78
FUTBOL

Ronaldodan sonra ikinci oldu – Luis Suares

İspaniya La Liqasının XX turunda “Valensiya” ilə qarşılaşan “Atletiko” 3:1 hesablı qələbə qazanıb.

Apasport.az saytının məlumatına görə, yayda “Barselona”dan transfer edilən Luis Suares bu qarşılaşmada da fərqlənərək, yeni komandasının heyətində çempionatda keçirdiyi ilk 15 oyunda 12-ci qolunu vurub.

33 yaşlı uruqvaylı forvard La Liqa tarixinin ən uğurlu ikinci debütünü reallaşdırıb. Suares yalnız “Real”ın sabiq hücumçusu Kriştianu Ronaldonu qabaqlaya bilməyib. Portuqaliyalı 2009/10 mövsümündə “kral klubu”ndakı ilk ilində 15 görüşdə 13 qola imza atmışdı.

Qeyd edək ki, hazırda “Atletiko” 47 xalla La Liqaya, Lus Suares isə 12 topla bombardirlər yarışına başçılıq edir.