16:47 31-01-2021
news_image
140
FUTBOL

“Qalatasaray”la oyunu buraxacaq – “Fənərbaxça”nın aparıcı futbolçusu

Türkiyənin “Fənərbaxça” klubu ciddi itki ilə üzləşib.

Apasport.az saytının məlumatına görə, İstanbul təmsilçisi aparıcı oyunçusu Dimitris Pelkası itirib.

Yunanıstan millisinin üzvü Super Liqanın XXII turunda “Rizəspor”la görüşün 61-ci dəqiqəsində zədələnərək əvəzlənib. Tibbi müayinədən sonra 28 yaşlı pleymeykerin əzələsində iki yırtıq aşkarlanıb. Pelkasın iki həftə kollektivdən uzaq qalacağı bildirilib.

Bu isə o deməkdir ki, futbolçu “Hatayspor” (2 fevral) və “Qalatasaray”la (6 fevral) qarşıdakı matçları buraxacaq. Onun həmçinin “Karagümrük”lə (13 fevral) görüşdə iştirakı da sual altındadır.

Qeyd edək ki, “Rizəspor” üzərində 1:0 hesablı qələbə qazanan “Fənərbaxça” hazırda 45 xalla turnir cədvəlinə başçılıq edir.