00:15 04-02-2021
news_image
189
FUTBOL

Ayrılacağını qətiləşdirdi – Edin Dzeko

“Roma”nın hücumçusu Edin Dzeko mövsümün sonunda İtaliya klubunu tərk edəcək.

Apasport.az saytının məlumatına görə, 34 yaşlı forvard özünü başqa çempionatda sınamaq niyyətindədir.

Baş məşqçi Paulo Fonseka ilə mübahisəyə görə bir müddət komandadan ayrı məşq edən Bosniya və Herseqovina millisinin üzvü artıq kollektivə qoşulub. Çalışdırıcı ilə arasındakı problemlər də həllini tapıb. Ancaq Dzeko yayda “canavarlar”la vidalaşacağını rəhbərliyə çatdırıb. A seriyası təmsilçisi müqavilə müddəti gələn ilin yayına qədər olan forvardı satışa çıxaracaq.

Qeyd edək ki, Edin Dzeko 2015-ci ildən “Roma”nın formasını geyinir.