11:11 06-02-2021
news_image
92
FUTBOL

“İnter”ə keçə bilər – Braziliya millisinin debütantı

İtaliyanın “İnter” klubu mövsümün sonunda transfer etmək istədiyi ilk futbolçunu müəyyənləşdirib.

Apasport.az saytının məlumatına görə, “neradzurra” Fransa “Lion”unda çıxış edən Bruno Gimaraynsı heyətinə cəlb etmək niyyətindədir.

23 yaşlı müdafiəyəmeyilli oyunçu “Lion”a ötən il “Atletiko Paranaense”dən 20 milyon avroya keçib. Artıq Braziliya millisində də debüt edən Gimaraynsı almaq “İnter” üçün asan olmayacaq. Çünki A seriyası təmsilçisi bundan ötrü azı 30 milyon avro xərcə düşməli olacaq.

Qeyd edək ki, Lion”un digər yarımmüdafiəçisi Ussem Auar “İnter”in A seriyasındakı əsas rəqiblərindən “Yuventus”un maraq dairəsindədir.