10:06 13-03-2021
news_image
187
FUTBOL

“Qrizmann meydana çıxanda, “Barselona” azlıqda qalır” - Stoiçkov

İspaniyanın “Barselona” klubunun futbolçusu Antuan Qrizmann növbəti dəfə tənqid hədəfinə çevrilib.

Apasport.az saytının məlumatına görə, Bolqarıstan millisinin əfsanəsi Xristo Stoiçkov vaxtilə şərəfini qoruduğu La Liqa təmsilçisinin forvardını sərt tənqid edib.

Futbol veteranı fransalının komandaya xeyirdən çox zərər verdiyini bildirib: “Hər dəfə Qrizmann meydana çıxanda “Barselona” azlıqda, 10 nəfərlə qalır. Əgər onlar gələcək üçün yaxşı nə isə etmək istəyirsə, Antuanı satmalıdır. Trinkan və Braytveyt komandada olmalıdır. Bəs Qrizmann burada nə edir?”.

Qeyd edək ki, “Barselona”nın yay transfer pəncərəsində Antuanla yollarını ayıracağı gözlənilir.