22:46 26-03-2021
news_image
249
FUTBOL

Avropanın ən yaxşı 3-cü futbolçusu sırasında - Şahrudin Məhəmmədəliyev

DÇ-2022-nin seçmə qrup mərhələsinin Avropa zonası üzrə I turunun ən yaxşı futbolçuları müəyyənləşib.

Apasport.az saytının məlumatına görə, FedEx şirkətinin hesablamasına əsasən ilk “üçlük” formalaşıb.

Azərbaycan millisinin qapıçısı Şahrudin Məhəmmədəliyev də “üçlük”də özünə yer edə bilib. Portuqaliya ilə qarşılaşmada 14 seyvlə yadda qalan qolkiper göstəricilərinə görə Avropada turun ən yaxşı 3-cü futbolçusu seçilib.

Birinci yeri Türkiyə yığmasının kapitanı Burak Yılmazın tutduğu sıralamada ikincilik Çexiya millisinin üzvü Tomas Suçekə nəsib olub. Yılmaz Niderlandla (4:2), Suçek isə Estoniya (6:2) ilə görüşdə het-trikə imza atıb.

Qeyd edək ki, Portuqaliya – Azərbaycan oyunu 1:0 hesabı ilə başa çatıb.