22:00 29-03-2021
news_image
166
FUTBOL

16 ildən sonra – bu dəfə Serbiya

Azərbaycan millisi sabah növbəti oyununu keçirəcək.

Apasport.az saytının məlumatına görə, DÇ-2022-nin seçmə mərhələsində Serbiyanı qonaq edəcək yığmamız tarixində 2-ci dəfə martın 30-da meydana çıxacaq.

İlk belə hadisə 2005-ci ilə təsadüf edib. Yığmamız DÇ-2006-nın seçmə oyununda İngiltərə ilə görüşüb.

16 il əvvəlki qarşılaşmada millimiz Nyukasldan 0:2 hesablı məğlubiyyətlə dönüb. Komandamız ötən il də eyni gündə meydana çıxmalı idi. Lakin koronavirus pandemiyası Malta ilə Ta-Qalidəki yoxlama oyununun keçirilməsinə mane olub.

Qeyd edək ki, sabah baş tutacaq Azərbaycan – Serbiya matçı saat 20:00-da başlayacaq.