11:58 29-03-2021
news_image
122
FUTBOL

28 ildir uduzmur – dünya çempionatının seçmə mərhələlərində

İspaniya millisi dünya çempionatlarının seçmə oyunlarında iki rekorda imza atıb. 

Apasport.az saytının məlumatına görə, Gürcüstana 2:1 hesabı ilə qalib gələn pireneylilər məğlubiyyətsiz oyunlar seriyasını 65-ə çatdırıb.

Luis Enrikenin yetirmələri bununla da öz rekordunu yeniləyiblər. Bu matçlarda ispaniyalılar 51 qələbə qazanıb və 14 heç-heçə edib. Bu seriya 1993-cü ildə başlayıb. 28 il öncə martda keçirilən qarşılaşmada İspaniya millisi sonuncu dəfə Danimarkaya uduzub – 0:1.

Pireneylilər həm də son 37 oyunda meydanı qolsuz tərk etməyib. Bu da dünya çempionatlarının seçmə mərhələlərində yeni rekorddur. İspaniya Almaniyanın göstəricisini arxada qoyub. Bundestim 1934-85-ci illərdə 36 matçda qol vurmağı bacarıb.