17:37 29-03-2021
news_image
218
FUTBOL

“Uduzsaq da, bu bizim üçün faciə olmayacaq” – serbiyalı futbolçu

“Azərbaycanın Portuqaliyaya qarşı oyununu izləmişik. Planlı komandadır”.

Apasport.az saytının məlumatına görə, bunu Serbiya millisinin futbolçusu Filip Dyuriçiç deyib.

O, DÇ-2022-nin seçmə mərhələsinin III turunda Azərbaycanla keçiriləcək oyunöncəsi mətbuat konfransında iştirak edib.

Yarımmüdafiəçi Bakı Olimpiya Stadionunda baş tutacaq qarşılaşma ilə bağlı bunları söyləyib: “Rəqibin italiyalı baş məşqçisini tanıyıram. Aqressiv oyun gözləyirik. Özümüzü sabah daha uğurlu görürəm. De Byazi Albaniya yığmasında uğur qazanıb. Ancaq biz öz oyunumuz barədə düşünürük”.

29 yaşlı oyunçu bildirib ki, futbolda faciə deyilən məqam yoxdur: “Biz qalibiyyətə köklənmişik. Amma uduzsaq da, bu bizim üçün faciə olmayacaq. Əl sıxıb növbəti görüşə köklənəcəyik”.

“Sassuolo”nun hücumameyilli oyunçusu komandada arxayınlıq olmadığını sözlərinə əlavə edib: “Bizdə sadəcə əminlik var. Baş məşqçimiz yenidir, komandada düşüncə dəyişikliyi var. Meydanda nə etmək yox, birbaşa qalibiyyət üçün oynayacağıq. Portuqaliya ilə görüşdən sonra bu əminlik bizdə daha da artıb”.