17:57 29-03-2021
news_image
113
FUTBOL

Millinin baş məşqçisi yoluxdu – koronavirusa

Bosniya və Herseqovina millisinin baş məşqçisi İvaylo Petev koronavirusa yoluxub.

Apasport.az saytının məlumatına görə, bunu balkan təmsilçisinin futbol ittifaqı açıqlayıb.

Finlandiya ilə DÇ-2022-nin səfər oyunundan (2:2) qayıdandan sonra test verən mütəxəssisin analizi müsbət nəticələnib. Baş məşqçidə heç bir simptom yoxdur və özünü yaxşı hiss edir. Buna baxmayaraq Petev karantinə alınacaq.

Qeyd edək ki, Bosniya və Herseqovina seçmə mərhələnin martın 31-də keçiriləcək görüşündə Fransa ilə qarşılaşacaq.