15:57 18-08-2008
news_image
373
STOLÜSTÜ OYUNLAR

Azərbaycan yığması Ümumdünya Şahmat Olimpiadasına qələbə ilə başlayıb

Bakı. Kənan Həsənov - APA-Sport. Türkiyənin Mersin şəhərində 16 yaşadək şahmatçıların Ümumdünya Olimpiadası start götürüb. “APA-Sport” agentliyinin məlumatına görə, Azərbaycan milli komandası bu nüfuzlu yarışa qələbə ilə başlayıb. Eltac Səfərli, Vasif Durarbəyli, Ayaz Məmmədov və Orxan Talışzadədən ibarət yığmamız ilk oyunda yerli komandanı 3:1 hesabı ilə məğlub edib. Komandamız bu gün II tur çərçivəsində Şri Lanka ilə qarşılaşacaq.
Qeyd edək ki, 10 turdan ibarət olan və avqustun 24-də başa çatacaq olimpiadaya 26 komanda qatılıb.