15:19 15-04-2021
news_image
824
FUTBOL

545 günlük həsrət – “Neftçi”də

Son iki oyunda 5 xal itirməklə çempionluq xəyalını çətinə salan “Neftçi”ni daha bir ağır sınaq gözləyir.

Apasport.az saytının məlumatına görə, paytaxt təmsilçisi Azərbaycan Premyer Liqasının XXIII turunda “Zirə” ilə üz-üzə gələcək.
 
Ölkənin ən titullu komandası son 5 matçda rəqibinə qalib gəlməyib. “Ağ-qaralar”ın son uğuru 2019-cu il oktyabrın 20-nə təsadüf edib.

Yarımçıq başa çatdırılan ötən mövsümün II dövrəsində 3:0 hesablı darmadağına sevinən “Neftçi” o vaxtdan sindrom yaşayır. 

Cari mövsüm komandalar 5 dəfə görüşüb. Bunlardan üçü çempionat, ikisi kuboka təsadüf edib.

5 matçdan heç birində birdən çox qol olmayıb və ümumilikdə cəmi 3 qol vurulub. Premyer Liqada səfər, kubokda isə ev oyununda 0:1 hesabı ilə uduzan “Neftçi” digər iki qarşılaşmada qolsuz sülhlə barışıb. 

Son 5 qarşılaşmada qol və qələbə görməyən “Neftçi” iki gündən sonra uğursuz seriyalara son qoymağa çalışacaq. Bakılılar bunu bacarsa, həsrət 545 gündən sonra bitəcək.