11:07 19-04-2021
news_image
79
FUTBOL

Superliqa iştirakçıları daxili birincilikdən çıxarılacaq - UEFA bəyanat yaydı

Yeni yaradılan Superliqa ilə bağlı UEFA, İngiltərə Premyer Liqası, İspaniya La Liqası və İtaliya A seriyası birgə bəyanat yayıb.

Apasport.az saytının məlumatına görə, adıçəkilən qurumlar həmin turnirə qatılacaq klubların ciddi cəzalandırılacağını bildirib.

Hətta yarışda iştirak edəcək komandalar ölkə çempionatlarından da çıxarılmaq xəbərdarlığı alıb: “Avropa Superliqasına qatılacaq klublar daxili çempionatlardan çıxarılacaq. Bu layihə birliyə hər zamankından daha çox ehtiyat duyulduğu bir vaxtda yalnız bir neçə klubun xeyrinədir. Bunun qarşısını almaq üçün həm hüquqi, həm də idman prinsiplərinə uyğun tədbirlər görüləcək”.

Qeyd edək ki, İngiltərənin “Mançester Yunayted”, “Mançester Siti”, “Tottenhem”, “Liverpul”, “Çelsi”, “Arsenal”, İspaniyanın “Barselona”, “Atletiko”, “Real”, İtaliyanın “Milan”, “İnter” və “Yuventus” klublarının Superliqada iştirakı təsdiqlənib.