11:26 27-04-2021
news_image
169
FUTBOL

Silahlı hücum - “Qalatasaray”ın bazasına

“Qalatasaray” klubu xoşagəlməz hadisə ilə üzləşib.

Apasport.az saytının məlumatına görə, 3 illik məhkəmə çəkişmələrindən sonra prosesi qazanan və mədən şirkətini martın sonunda Kemerburqazdakı ərazidən çıxararaq yeni bazanın açılışını edən İstanbul təmsilçisi silahlı hücuma məruz qalıb.

Mədən şirkətinə bağlı olduğu bildirilən silahlı bir qrup klubun bazasına hücum çəkib. 10 nəfərdən ibarət quldur dəstəsi Kemerburqaz bazasına zorla girib. Mühafizəçilər bunun qarşısını almağa çalışsa da, basqın edənlər silah çəkərək onları geri çəkilməyə məcbur edib.

Həmin qrup üzvləri əraziyə zərər vermək üçün iki yük maşını inşaat tullantıları tökərək, oranı tərk edib.