15:36 27-04-2021
news_image
115
FUTBOL

Donor oldu – “Borussiya”nın qapıçısı

Dortmund “Borussiya”sının qapıçısı Marvin Hits nümunəvi addımla gündəmə gəlib.

Apasport.az saytının məlumatına görə, 34 yaşlı qolkiper bir xəstəyə kök hüceyrə donoru olub. 

Maraqlıdır ki, İsveçrə millisinin sabiq üzvü kimə kömək etdiyini hələ bilmir. Çünki xəstəyə iki illik anonimlik dövrü verilir. Hits tanımadığı xəstəyə şəfa diləyib: “Ümid edirəm ki, həmin insanın tam sağalmasına köməyim dəyər. Bu mənim ən böyük arzumdur”. 

Qeyd edək ki, Marvin Hits 2018-ci ildən “Borussiya”nın formasını geyinir.