11:27 08-05-2021
news_image
643
TOKİO-2020

Əzizovadan yeni, Stadnikdən şərikli rekord - Olimpiadalarda

Azərbaycan taekvondoçusu Fəridə Əzizova Tokio Yay Olimpiya Oyunlarına lisenziya qazanmaqla rekorda imza atıb.

Apasport.az saytının məlumatına görə, London-2012 və Rio-2016-nın iştirakçısı ardıcıl 3-cü dəfə bu multiidman yarışının iştirakçısı olacaq.

Fəridə ən azı üç Olimpiadada iştirak edəcək 12-ci Azərbaycan idmançısıdır. Siyahıya düşən yeganə taekvondoçu kimi öz idman növündə tək olan atletimiz həm də yaşına görə rekord vurub.

O, 26 yaşında özünün 3-cü Olimpiadasına qatılacaq. Bu, Azərbaycan idmançıları arasında mütləq rekorddur.

Fəridəyə qədər 3-cü dəfə Olimpiya Oyunlarına qatılan ən gənc idmançı Nizami Paşayev idi. O, 27 yaşında buna nail olmuşdu. “Üç”ü fəth edən ən gənc idmançımız növbəti Olimpiadanı da cəmi 3 il gözləməlidir.

Ümumilikdə isə siyahıda yer alan 12 idmançıdan ikisi cədvəldəki göstəricisini Tokioda rəsmiləşdirəcək. “12-lik”dən ikisi 4, onu 3 yarışın iştirakçısıdır. Tokio-2020-yə qədər mütləq rekord güllə atıcısı İradə Aşumovaya məxsusdur. Dörd Olimpiadaya qatılan snayperin göstəricisini Mariya Stadnik təkrarlayacaq. Qarşıdakı yarışa lisenziya qazanan güləşçimiz rekorda şərik çıxacaq.

İdmançı

İştirak illəri

Olimpiada sayı

İdman növü

İradə Aşumova

1996-2004, 2012

4

Güllə atıcılığı

Mariya Stadnik

2008-2020

4

Sərbəst güləşi

Arif Abdullayev

1996-2004

3

Sərbəst güləş

Fəridə Əzizova

2012-2020

3

Taekvondo

Xetaq Qazyumov

2008-2016

3

Sərbəst güləş

Mehman Əzizov

2000-2008

3

Cüdo

Namiq Abdullayev

1996-2004

3

Sərbəst güləş

Nizami Paşayev

2000-2008

3

Ağırlıqqaldırma

Rövşən Bayramov

2008-2016

3

Yunan-Roma güləşi

Şərif Şərifov

2012-2020

3

Sərbəst güləşi

Turan Mirzəyev

2000-2008

3

Ağırlıqqaldırma

Zemfira Meftahətdinova

2000-2008

3

Stend atıcılığı