09:40 18-05-2021
news_image
114
AVRO-2020

AVRO-2020: Uels 1000 azarkeşlə gələcək - Bakıya

AVRO-2020-nin qrup mərhələsindəki ilk iki oyununu Bakıda keçirəcək Uels yığması dəstəksiz qalmayacaq.

Apasport.az saytının yerli mətbuata istinadən məlumatına görə, Britaniya təmsilçisinin 1000 azarkeşi qitə birinciliyinin oyunlarını canlı izləmək qərarına gəlib.

Məhz həmin sayda fanat yığmanın Bakı və Romadakı 3 qarşılaşmasını yerində izləmək üçün müraciət edib. Onlar koronavirus pandemiyası ilə bağlı bütün tələbləri yerinə yetirməyə hazırdırlar.

Qeyd edək ki, Uels yığması iyunun 12-də İsveçrə, 16-da Türkiyə ilə Bakı Olimpiya Stadionunda, ayın 20-də İtaliya ilə Roma Olimpiya Stadionunda üz-üzə gələcək.