13:00 18-05-2021
news_image
195
FUTBOL

Premyer Liqamıza 8 klubla davam - apelyasiya müraciəti edən olmadı

Birinci divizion klubları Premyer Liqada iştirak üçün apelyasiya müraciəti etməyiblər.

Bu barədə apasport.az saytına AFFA-nın Lisenziyalaşdırma Qrupunun rəhbəri Sərxan Hacıyev məlumat verib.

Elitaya yüksəlmək üçün lisenziya ala bilməyən “Kəpəz”, “Turan Tovuz”, “Qaradağ-Lökbatan” və “Zaqatala”ya apelyasiya şikayəti üçün 10 gün vaxt verilib. Hacıyev həmin müddətin dünən başa çatdığını və adıçəkilən komandalardan heç birinin müraciət ünvanlamadığını söyləyib.

Beləliklə, yeni mövsümdə Premyer Liqada 8 komandanın mübarizə aparacağı haqda çıxarılan qərarın dəyişməyəcəyi dəqiqləşib. 

Qeyd edək ki, I divizion təmsilçilərinin Premyer Liqada iştirak üçün müraciətinə mayın 8-də baxan AFFA Lisenziyalaşdırma Komissiyası, xüsusən də, maliyyə sənədlərindəki çatışmazlığı əsas gətirərək, onlara lisenziya verməyib.