23:39 18-05-2021
news_image
696
FUTBOL

10-cu kubok – “Beşiktaş”dan “Qızıl dubl”

Türkiyə kubokunda 2020/21 mövsümü başa çatıb.

Apasport.az saytının məlumatına görə, turnirin final oyunu İzmirdə keçirilib.

Cari mövsüm Super Liqanın çempionu olan “Beşiktaş” “Antalyaspor”u sınağa çəkib. İstanbul təmsilçisi bu görüşdə qalib gələrək kuboku da başı üzərinə qaldırıb.

Bununla da Sərgən Yalçının yetirmələri mövsümü “Qızıl dubl”la başa vurub. “Beşiktaş” tarixində 10-cu dəfə kubokun sahibi olmaqla 9 uğura sahib “Trabzonspor”u arxada qoyub. 1975, 1989, 1990, 1994, 1998, 2006, 2007, 2009, 2011-ci illərdə də mükafata sahib olan “ağ-qaralar” kubok sayında yalnız “Qalatasaray”dan (18 dəfə) geri qalır.

Türkiyə kuboku
Final
18 may
“Antalyaspor” - “Beşiktaş” – 0:2

Souza, 3, Rosyer, 30