09:51 25-05-2021
news_image
234
AVRO-2020

“Türkiyə Vətən kimi olan Azərbaycanda oynayacaq” – baş məşqçinin qorxusu

“Qrupumuzdakı komandaların hər birinin böyük iddiaları olduğunu bilirəm”.

Apasport.az saytının məlumatına görə, bunu İsveçrə millisinin baş məşqçisi Vladimir Petkoviç AVRO-2020-nin qrup mərhələsini dəyərləndirərkən deyib.

58 yaşlı mütəxəssis qrupdan çıxmağın onlar üçün çətin olacağını söyləyib: “İtaliya matçlarını evdə keçirəcək. Türkiyə, demək olar ki, onlar üçün Vətən kimi olan Azərbaycanda oynayacaq. Bu da o deməkdir ki, işimiz çətin olacaq. Qrupdan çıxmaq bizim üçün böyük uğur olar. Bunu bacarsaq, sonrasına baxarıq. Avropanın ən yaxşı komandası olmadığımızı bilirik. Ancaq böyük turnirdə sürprizlər hər zaman mümkündür”.

Qeyd edək ki, İsveçrə yığması AVRO-2020-nin A qrupunda İtaliya ilə Romada (16 iyun) Uels (12 iyun) və Türkiyə (20 iyun) ilə Bakıda qarşılaşacaq.