12:51 31-05-2021
news_image
188
TOKİO-2020

Vaksinasiya olunmuş azarkeşlər gedə biləcək – Tokio-2020-yə

Azarkeşlərin Tokio Yay Olimpiya Oyunlarına buraxılma qaydaları bəlli olub.

Apasport.az saytının Yaponiya mətbuatına istinadən məlumatına görə, vaksinasiya olunmuş və ya stadiona girişdən maksimum bir həftə qalmış verdiyi testi mənfi nəticələnənlər buraxılacaq.

Azarkeşlərə Olimpiya obyektlərində idmançıları dəstəkləmək üçün qışqırmaq, yemək və alkoqol içmək olmaz. Stadiona daxil olarkən azarkeşlər maskadan istifadə etməlidir. Həmçinin onların temperaturu ölçüləcək. Koronavirus pandemiyası üzündən yarışa yalnız yerli azarkeşlər buraxılacaq.

Qeyd edək ki, Olimpiya Oyunları iyulun 23-dən avqustun 8-dək keçiriləcək.