22:56 02-06-2021
news_image
219
FUTBOL

Məğlubiyyəti təcrübəsizliklə əlaqələndirdi - Yevgeni Yablonski

“Yaxşı oyun oldu. Rəqib yüksək səviyyədə olan, təşkilatlanmış komanda idi”.

Apasport.az saytının məlumatına görə, bunu Belarus millisinin futbolçusu Yevgeni Yablonski Azərbaycanla keçirilən yoldaşlıq görüşündən sonra deyib.

26 yaşlı yarımmüdafiəçi 1:2 hesabı ilə məğlub olduqları qarşılaşmadan sonra Belarus Futbol Federasiyasının rəsmi saytına fikirlərini bölüşüb.

BATE-nin oyunçusu yaxşı mübarizə apardıqlarını söyləyib: “Oyuna ciddi hazırlaşmışdıq. Müdafiədə yaxşı çıxış edirdik və təhlükəli əks-hücumlara keçirdik. Ancaq öz səhvlərimizdən qollar buraxdıq. Bu da təcrübəsizlikdən qaynaqlandı. Heyətdə bir çox dəyişiklik edilmişdi. Meydanda olan futbolçular əllərindən gələni etdilər”.