11:01 05-06-2021
news_image
128
FUTBOL

Millinin tarixində ilk – belə seriya olmayıb

AVRO-2020-yə hazırlaşan İtaliya millisi ardıcıl 8-ci quru hesablı qələbəsini qazanıb.

Apasport.az saytının məlumatına görə, Roberto Mançininin yetirmələri yoldaşlıq oyununda Çexiyanın qapısından 4 cavabsız top keçirib.

Bu, komandanın tarixində ilk belə uğurlu seriyadır. İtaliya yığması bunadək ardıcıl 8 quru qələbə qazanmayıb.

Ümumilikdə isə “Skuadra Adzurra”nın məğlubiyyətsiz oyunlar seriyası 27-yə çatıb. Mançinin komandası milli tarixinin rekordunun 3 addımlığındadır. 1939-cu ildə italiyalılar 30 matçlıq seriyanı rəsmiləşdirib.

Qeyd edək ki, məğlubiyyətsizlikdə dünya rekordu İspaniyaya məxsusdur. Onlar 2007-09-cu illərdə 35 matçda uduzmayıb.