19:09 14-06-2021
news_image
216
FUTBOL

“Neftçi”nin hazırlıq planında dəyişiklik oldu - 2 rəqib dəqiqləşdi

“Neftçi”nin yeni mövsümə hazırlıq planında dəyişiklik olub.

Apasport.az klubun saytına istinadən məlumat verir ki, təlim-məşq toplanışının birinci mərhələsi iyunun 18-dək davam edəcək.

Texniki səbəblərə görə “Neftçi” Sloveniyaya ayın 18-də yola düşəcək.

Bu səbəbdən iyunun 30-dək davam edəcəyi nəzərdə tutulan toplanış çərçivəsində 4 yox, 3 yoxlama oyunu baş tutacaq. “Neftçi” iyunun 21-də Sloveniyanın “Olimpiya” (Lyublyana), 29-da isə Rusiyanın “Spartak” (Moskva) klubu ilə qarşılaşacaq. Ayın 25-dəki rəqib isə hələ ki müəyyənləşməyib.

Qeyd edək ki, Azərbaycanı UEFA Çempionlar Liqasında təmsil edəcək “Neftçi”nin I təsnifat mərhələsindəki rəqibi iyunun 15-də keçiriləcək püşkatma mərasimində məlum olacaq.