10:05 01-09-2008
news_image
670
STOLÜSTÜ OYUNLAR

Azərbaycan şahmatçısı İlahə Qədimova dünya çempionatında uğursuzluğa düçar olub

Bakı. Kənan Həsənov - APA-Sport. Azərbaycan şahmatçısı İlahə Qədimova Rusiyanın Nalçik şəhərində keçirilən dünya çempionatında mübarizəni erkən dayandırıb. “APA-Sport” agentliyinin məlumatına görə, həmvətənimiz 1/32 finalda Elizabet Peytsə (Almaniya) 2:3 hesabı ilə məğlub olub. Klassik oyunlarda rəqiblər hərəyə bir qələbə qazanıblar. Tay-breykdə isə almaniyalı şahmatçı İ. Qədimovanı üstələyib.
Qeyd edək ki, müxtəlif səbəblərdən 11 idmançı dünya çempionatına qatılmayıb. Sentyabrın 18-də yekunlaşacaq birinciliyinin mükafat fondu 450 000 ABŞ dollarına bərabərdir.