00:41 19-06-2021
news_image
141
AVRO-2020

Atasının avtoqoluna sevinib – Hummelsin oğlu

Almaniya millisi AVRO-2020-nin I turunda Fransaya müdafiəçisi Mats Hummelsin öz qapısına vurduğu topla məğlub olub (0:1).

Apasport.az saytının məlumatına görə, ulduz futbolçunun avtoqolu oğlu tərəfindən sevinclə qarşılanıb.

Bunu 33 yaşlı mərkəz müdafiəçisi özü deyib. Hummels bildirib ki, avtoqola imza atdığı an 3 yaşlı oğlu bunu qeyd edib: “Oğlum avtoqolun nə olduğunu hələ bilmir. O, elə bilir ki, topun hər qapıdan keçməsinə sevinmək lazımdır. Mənə dedilər ki, avtoqol vurduğum zaman oğlum bunu sevinclə qarşılayıb. Yəqin bunları ona öyrətməliyəm”.

Qeyd edək ki, yer aldığı F qrupunda xalsız olan Almaniya yığması II tur çərçivəsində iyunun 19-da Portuqaliya ilə qarşılaşacaq.