10:45 19-06-2021
news_image

İki boksçumuz 1/4 finalda - Avropa çempionatında

İtaliyanın Rozeto-deli-Abrutstsi şəhərində 22 yaşadək boksçular arasında Avropa çempionatı davam edir. 

Apasport.az saytının məlumatına görə, 41 ölkənin qatıldığı yarışın ikinci günü Azərbaycan millisinin 2 üzvü rinqə çıxıb. 

İlk görüşdə Uça Jorjolianiyə (Gürcüstan) qalib gələn Ruslan Rüstəmov (64 kq) 1/8 finalda rusiyalı Maqomed Şamsayevlə döyüşüb. Boksçumuz çıxışını qələbə ilə başa vurub – 4:1 (29:26, 28:27, 29:26, 29:26, 27:28). O, 1/4 finalda Almaniya təmsilçisi David Gevorgyanla üz-üzə gələcək. Qarşılaşma iyunun 21-də baş tutacaq. 

Startda Arşak Yelizbaryana (Gürcüstan) gücünü göstərən Mirəşrəf Kazımzadə (75 kq) ikinci görüşündən də qalib ayrılıb. O, 1/8 finalda macarıstanlı Robert Cservenkadan üstün olub. Boksçumuz rəqibini 5:0 (28*:28, 28*:28, 28*:28, 29:27, 29:27) hesabı ilə məğlub edib. Kazımzadə iyunun 21-də 1/4 finalda ukraynalı Boqdan Tolmaçovu sınağa çəkəcək. 

Yarışın üçüncü günündə 5 boksçumuz 1/8 final qarşılaşmasına çıxacaq. 

Qeyd edək ki, yığmamızın 7 idmançı ilə təmsil olunduğu yarışda final görüşləri iyunun 24-də olacaq. 320 min mükafat fondu olan çempionatın qalibi 8 min, gümüş medalçısı 4 min, 3-cü yerin sahiblərinin hərəsi 2 min dollar qazanacaq.