10:15 06-07-2021
news_image
132
FUTBOL

Löv, Petkoviç, Villaş-Boaş – rusiyalılar axtarışa başladı

Rusiya Futbol İttifaqı (RFİ) milli komandaya baş məşqçi axtarışına start verib.

Apasport.az saytının məlumatına görə, AVRO-2020-dəki uğursuzluqdan sonra Stanislav Çerçesovla vidalaşmaq barədə düşünün qurum rəhbərliyi namizədlərlə danışıqlara da başlayıb.

Lakin yerli məşqçilər bu vəzifəni tutmaqdan imtina edib. Valeri Karpin, Leonid Slutski və Sergey Semak yığma naminə klubdan ayrılmaq istəməyib. Onlar iki həftə sonra başlayacaq Premyer Liqanın startı ərəfəsində klubda qalmağa üstünlük verib.

RFİ-nin xarici məşqçilərin yer aldığı siyahısı da var. Burada üç mütəxəssis yer alıb. Bunlar Andre Villaş-Boaş, Almaniya yığmasından ayrılan Yoahim Löv və İsveçrəni çalışdıran Vladimir Petkoviçdir. İlkin siyahıda olan Xorvatiya millisinin baş məşqçisi Zlatko Daliç sonradan buradan çıxarılıb.

Qeyd edək ki, Rusiya millisi AVRO-2020-də Belçika, Danimarka və Finlandiya ilə mübarizə apardığı qrupda sonuncu yeri tutub.