14:21 28-07-2021
news_image
147
FUTBOL

Braziliyalı transferlər – Azərbaycan çempionundan

Futzal üzrə UEFA Çempionlar Liqasının ilkin mərhələsində iştirak edəcək “Araz-Naxçıvan” heyətini gücləndirmək istiqamətində çalışmalarını davam etdirir.

Apasport.az-ın Azərbaycan Futzal Federasiyasının rəsmi saytına istinadən məlumatına görə, komanda iki braziliyalı futzalçı ilə anlaşıb.

28 yaşlı Conatas Felipe və 24 yaşlı Emanoel Rodriges mövsümün sonuna qədər ölkə çempionunun formasını geyinəcək. Felipe Braziliyanın “Pato” klubundan transfer olunub. Rodriges isə həmyerlisindən fərqli, Avropada legioner həyatı yaşamağı bacarıb. O, Qazaxıstanın “Atırau” klubunda çıxış edib. Bununla da "Araz-Naxçıvan"ın heyətindəki braziliyalı futzalçıların sayı 3 olub. Onlara qədər Murilo Borqes baş məşqçi Joze Alesio da Silvanın sərəncamında idi.

Qeyd edək ki, “Araz-Naxçıvan” Çempionlar Liqasının ilkin mərhələsində avqustun 21-də “Europa”, ertəsi gün “Kampuksen Dinamo”, 24-də isə “Raba” ilə qarşılaşacaq. Təmsilçimizin yer aldığı qrupun oyunları Latviyada təşkil olunacaq.