15:34 05-08-2021
news_image
114
FUTBOL

11 azarkeş həbs edilib – AVRO-2020-yə görə

İngiltərə polisi AVRO-2020-nin finalında İtaliya ilə keçirilən oyundan sonra baş verən hadisələri araşdırmaqda davam edir.

Apasport.az saytının məlumatına görə, “Uembli” stadionundakı qarşılaşmadan sonra sosial şəbəkələrdə irqçi ifadələrə yol verən şəxslər bir-bir müəyyənləşdirilir.

Yerli orqanlar yarımmüdafiəçilər Bukayo Sako, Ceydon Sanço və hücumçu Markus Reşfordun ünvanına irqçi təhqirlər yazanlardan 11-ni artıq aşkara çıxararaq, həbs edib. Gənc futbolçular penaltilər seriyasında zərbəni qola çevirə bilmədikləri üçün təzyiqlə üzləşiblər.

Qeyd edək ki, 1:1 hesabı ilə başa çatan final matçında ingilislər penaltilər seriyası ilə (2:3) məğlub olaraq, Avropa çempionluğunu əldən verib.