16:37 07-08-2021
news_image
304
TOKİO-2020

21 illik ənənə qırıldı – Tokio-2020

Azərbaycan yığması Tokio-2020 Yay Olimpiya Oyunlarını qızıl medalsız başa vurub.

Apasport.az saytının məlumatına görə, Olimpiadaya 44 idmançı ilə qatılan komandamız aktivinə 3 gümüş, 4 bürünc mükafat yazdırıb.

Bununla yığmamız 2000-ci ildə Sidneydə keçirilən Olimpiadadan sonra ilk dəfə mötəbər yarışı qızıl medal qazanmadan tamamlayıb. Atlanta-1996-da bir gümüşlə kifayətlənən Azərbaycan ondan sonrakı 5 Oyunların (Sidney-2000, Afina-2004, Pekin-2008, London-2012, Rio-2016) hamısından qızıl mükafatla dönməyə nail olub. 21 illik ənənə Yaponiyanın paytaxtında qırılıb.

Qeyd edək ki, Azərbaycan yığmasının heyətində Tokio-2020-də karateçilər İrina Zaretska (+61 kq), Rafael Ağayev (75 kq), sərbəst güləşçi Hacı Əliyev (65 kq) gümüş, cüdoçu İrina Kindzerska (+78 kq), boksçu Alfonso Dominqes (81 kq), yunan-Roma güləşçisi Rafiq Hüseynov (77 kq) və sərbəst güləşçi Mariya Stadnik (50) isə bürünc medal əldə edib.