11:46 09-08-2021
news_image
177
TOKİO-2020

Mükafatın bir hissəsindən imtina etdi – yanğınlara görə

Tokio-2020-də gümüş medal qazanan kişilərdən ibarət su polosu üzrə Yunanıstan yığması mükafatın bir qismindən xeyriyyə məqsədilə imtina edəcək.

Apasport.az saytının məlumatına görə, Ellada təmsilçisinin üzvləri bu addımı meşə yanğınlarından zərərçəkənlərə yardım məqsədilə atıb.

İdmançılar bu addımı “Olimpiakos” futbol klubunun sahibi Vangelis Marinakisin onlara pul mükafatı vəd etməsindən sonra atıb. Komandanın bu qərarını yığmanın kapitanı Yannis Funtulis açıqlayıb.

Qeyd edək ki, Yunanıstan millisi finalda Serbiyaya 10:13 hesabı ilə uduzub.