16:29 29-08-2021
news_image
95
FUTBOL

“Yuventus”a qayıdır - Moyze Kin

İtaliyanın “Yuventus” klubu heyətinə yeni hücumçu qatır.

Apasport.az saytının məlumatına görə, Kriştiano Ronaldo ilə vidalaşan A seriyası təmsilçisi Moyze Kini qaytarmağa məcbur olub.

İngiltərə “Everton”unun hücumçusu artıq Turinə yollanıb və tibbi müayinədən sonra müqavilə imzalayacaq. İki klub arasında razılığa əsasən, 21 yaşlı forvard sonradan transfer olunmaq öhdəliyi ilə 2 illik icarəyə verilib.

Bu keçid “Yuventus”a 20 milyon avroya başa gələcək. İki il öncə futbolçusunu “Everton”a 25 milyon funt sterlinqə satan turinlilər Moyzeni daha ucuz qiymətə geri qaytaracaq.