15:45 02-09-2021
news_image

Dünya çempionatının hazırlığına başladı – güləşilərimiz

Yunan-Roma güləşi üzrə Azərbaycan millisi avqustun 26-da növbəti təlim-məşq toplanışına start verib.

Apasport.az saytının məlumatına görə, Olimpiya Güləş Mərkəzində təşkil olunan hazırlıq prosesi sentyabrın 8-dək davam edəcək. 

Məşqlər qarşıdan gələn dünya çempionatına hazırlıq xarakteri daşıyır. Baş məşqçi Aleksandr Tarakanov, böyük məşqçi Rövşən Bayramov və məşqçilər Akif Əliyevlə Həsən Əliyevin rəhbərliyi altında baş tutan məşqlər gündə 2 dəfə olmaqla keçirilir. Məşqçilər korpusu yalnız çərşənbə və şənbə günləri bir məşqlə kifayətlənir.

Qeyd edək ki, dünya çempionatı oktyabrın 2-dən 10-dək davam edəcək.