19:00 06-09-2021
news_image
184
FUTBOL

"Komanda psixoloji cəhətdən..." Namik Ələskərov

“Portuqaliya çox güclü komandadır".

Apasport.az saytının məlumatına görə, bunu Azərbaycan millisinin futbolçusu Namik Ələskərov deyib.

Hücumçu DÇ-2022-nin seçmə mərhələsində Portuqaliya ilə sabah Bakı Olimpiya Stadionunda keçiriləcək oyunöncəsi mətbuat konfransına qatılıb.

Millimizin üzvü rəqibdən çəkinmədiklərini söyləyib: “Rəqibin gücünü bilirik. Ancaq qələbə üçün əlimizdən gələni edəcəyik. Komanda psixoloji cəhətdən matça hazırdır".

Ələskərov "Bursaspor"da fərqli, millidə fərqli mövqedə oynamasının ona problem yaratmadığını vurğulayıb: "Əvvəllər də həm hücumda, həm də cinahlarda oynamışam. Məşqçilər harada şans versələr, orada bütün gücümü ortaya qoymağa çalışıram".