14:56 07-09-2021
news_image

Baş məşqçi və köməkçi dəyişiklikləri - taekvondoda

Azərbaycan Taekvondo Federasiyasının İdarə Heyətinin növbəti toplantısı keçirilib. 

Apasport.az saytının məlumatına görə, toplantıda məşqçi müəllimlərin fəaliyyəti və Tokio-2020 Yay Olimpiya Oyunlarında taekvondoçuların çıxışları müzakirə olunub. 

Verilən qərara əsasən məşqçi müəllimlərin heyətində müəyyən dəyişikliklər olunub. Kişilərdən ibarət milli komandanın baş məşqçisi Reza Mehmandost, köməkçi məşqçi isə Sənan Həşimov, qadınlardan ibarət milli komandanın baş məşqçisi Səbuhi Zülfüqarov, köməkçi isə məşqçi Rəşad Məmmədov təyin olunub.

Digər milli komandalarda, gənclərdən ibarət millinin baş məşqçisi Məmməd Abdullayev, köməkçi məşqçi Zahid Məmmədov, yeniyetmələrdən ibarət milli komandanın baş məşqçisi Elnur Amanov, köməkçi məşqçi Vurğun Cəfərov, 21 yaşlı gənc milli komandanın baş məşqçisi Ələkbər İmaməlivev, köməkçi məşqçi isə Vüqar Məcidovun təyinatı rəsmiləşib.