12:16 11-09-2021
news_image
117
FUTBOL

Yeni vəzifədə - millinin sabiq futbolçusu

Fransa millisinin sabiq futbolçusu Cibril Sissenin yeni iş yeri bəlli olub.

Apasport.az saytının məlumatına görə, sabiq hücumçu “Marsel”də məşqçi kimi çalışacaq.

O, klubun akademiyasında hücumçuların çalışdırıcısı təyin olunub. Sisse U-16-dan əvəzedicilərə qədər olan komandaların forvardlarına məşqçilik edəcək.

Bu ilin aprelində ABŞ-ın 4-cü liqa klubu “Panatinaikos Çikaqo” ilə müqavilə imzalayan hücumçu debüt etmədən komandadan ayrılıb.

Qeyd edək ki, 2001/02 və 2003/04 mövsümlərində Liqa1-in bombardiri olan Cibril milli komandada, həmçinin “Liverpul”, “Latsio” və “Marsel”dəki çıxışları ilə tanınıb.