14:48 13-09-2021
news_image
117
FUTBOL

Premyer Liqada 100-cü oyunu - milliləşmiş futbolçunun

“Qarabağ”ın futbolçusu Filip Ozobiç Premyer Liqada 100-cü oyununu keçirib.

Apasport.az-ın PFL-in rəsmi saytına istinadən məlumatına görə, milliləşdirilmiş yarımmüdafiəçinin yubileyi III turun “Neftçi” ilə səfər matçına (2:1) təsadüf edib.

2016-cı ildən Azərbaycan çempionatında çıxış edən 30 yaşlı futbolçu iki klubun formasını geyinib. O, 2016-18-ci illərdə “Qəbələ”də 46, 2018-21-ci illərdə “Qarabağ”da 54 görüşdə iştirak edib. Filip Premyer Liqadakı 100 qarşılaşmada 38 qol vurub. Bunlardan 16-sı Qəbələ, 22-si Ağdam klubunun heyətində qeydə alınıb.

Qeyd edək ki, Filip Premyer Liqada ilk oyununu 2016-cı il avqustun 8-də “Qəbələ”nin heyətində “Kəpəz”ə (2:0) qarşı keçirib.