16:24 13-09-2021
news_image
391
FUTBOL

20 illik antirekordu təkrarladı – Namik Ələskərovun komandası

Azərbaycan millisinin hücumçusu Namik Ələskərovun yeni komandası “Bursaspor” uğursuz çıxışını davam etdirir.

Apasport.az saytının məlumatına görə, TFF I Liqasında məğlubiyyətləri sıralayan Bursa təmsilçisi cari mövsüm qələbə üzünə həsrətdir.

IV turda Ələskərovun ehtiyatda qaldığı matçda “Altınordu”ya 1:2 hesabı ilə uduzan “timsah”ın aktivində hazırda cəmi 1 xal var. Bununla “Bursaspor” klub antirekordunu təkrarlayıb. Komanda buna qədər sonuncu dəfə 2001/02 mövsümünün startındakı ilk dörd turda 1 xal toplaya bilmişdi.

Qeyd edək ki, “Bursaspor” V turda sentyabrın 15-də “Samsunspor”u qəbul edəcək.