17:03 09-10-2021
news_image
86
FUTBOL

“İnter”dən yeni müqavilə təklifi

“İnter” futbolçusu Marselo Brozoviçlə əməkdaşlıqda maraqlıdır.

Apasport.az saytının məlumatına görə, “neradzurra” Xorvatiya millisinin üzvü ilə yeni müqavilə imzalamaq fikrindədir.

Hazırda sözləşmənin uzadılması ilə bağlı tərəflər arasında danışıqlar aparılır. Klubun baş direktoru Cüzeppe Marotta da 29 yaşlı oyunçunun qalmasını istədiklərini açıqlayıb. Brozoviçlə “Mançester Yunayted”in maraqlandığı bildirilsə də, “qırmızı şeytanlar” ona heç bir təklif göndərməyib.

Qeyd edək ki, Marselo Brozoviçin 2015-ci ildən formasını geyindiyi “İnter”lə müqavilə müddəti mövsümün sonuna qədərdir.