09:16 14-10-2021
news_image
470
FUTBOL

“Neftçi” Mamadu Kaneni saxlaya bilmir: yanvarda gedir

“Neftçi” yarımmüdafiəçisi Mamadu Kane ilə qış fasiləsində yollarını ayıra bilər.

Apasport.az saytının Yunanıstan mətbuatına istinadən məlumatına görə, buna səbəb qvineyalı futbolçunun uğurlu çıxışını davam etdirməsidir.

Yayda onu Azərbaycan çempionundan transfer edərək 4 illik müqavilə imzalayan və “Neftçi”yə birillik icarəyə verən “Olimpiakos” bu gedişlə mövsümün sonunu gözləməyəcək. Kanenin çıxışını diqqətlə izləyən Pirey klubunun nümayəndələri onun həm “Neftçi”də, həm də Qvineya yığmasındakı performansından məmnundur.

Yunanıstan təmsilçisi 24 yaşlı orta sahə oyunçusunu artıq yanvarda heyətə cəlb etməyi planlaşdırır. Ancaq bunun üçün komandada əcnəbi oyunçulardan biri yola salınmalıdır.