10:17 18-10-2021
news_image
97
FUTBOL

“Keşlə” 3-cü pillədə

“Keşlə” Azərbaycan çempionatlarında 600-cü oyununu keçirib. 

Apasport.az saytı xəbər verir ki, yubiley Premyer Liqanın VII turuna təsadüf edib.

Sənan Qurbanovun yetirmələri səfərdə “Səbail”ə 2:1 hesabı ilə qalib gəlib. Əvvəllər “Xəzər Universiteti” və “İnter” adları altında da çıxış etmiş Bakı klubu ölkə çempionatında 1999/2000 mövsümündən mübarizə aparır. Paytaxt təmsilçisi bu müddətdə 277 qələbə qazanıb, 156 heç-heçə edib və 167 dəfə uduzub.

Qeyd edək ki, “Keşlə” çempionatdakı oyun sayında 3-cü komandadır. Yalnız “Qarabağ”la “Neftçi” daha çox (hər ikisi 832) matça çıxıb.