12:00 18-10-2021
news_image
107
FUTBOL

Benzemaya 2 illik müqavilə təklifi

“Real” hücumçusu Kərim Benzema ilə uzunmüddətli əməkdaşlığı davam etdirmək niyyətindədir.

Apasport.az saytının məlumatına görə, “kral klubu” əla mövsüm keçirən Fransa millisinin üzvünə yeni müqavilə təklif edəcək.

Yaşı 34 olmasına baxmayaraq, madridlilər onun daha bir neçə il komandaya xeyir verəcəyini düşünür. Bu səbəbdən Benzemaya 2025-ci ilin yayına qədər nəzərdə tutulan yeni sözləşmə təklif olunması qərara alınıb. Onun hazırkı anlaşması 2023-cü ilə qədərdir.

Qeyd edək ki, “Qızıl top”a əsas namizədlərdən sayılan Kərim Benzema bu mövsüm 8 oyunda 9 qol vurub, 7 məhsuldar ötürmə verib.