13:15 19-10-2021
news_image
221
FUTBOL

Vaqner Lav “Qarabağ”la oyuna çıxmayacaq - SƏBƏB

Konfrans Liqasının qrup mərhələsinin III turunda “Qarabağ”la qarşılaşacaq “Kayrat” ciddi itki ilə üzləşib.

Apasport.az saytının məlumatına görə, Qazaxıstan klubunun hücumçusu Vaqner Lav zədədən əziyyət çəkir.

Topuğundan zədəli olan 37 yaşlı braziliyalı forvard Bakıya gələn heyətdə yer almayıb. O, eyni səbəbdən ölkə çempionatının geridə qalan turunda “Aktobe” ilə görüşü də buraxıb.

Qeyd edək ki, daha əvvəl müdafiəçi Kamo Oqanesyanın da “Qarabağ”la görüşü buraxacağı bildirilib. Qarşılaşma oktyabrın 21-də Tofiq Bəhramov adına Respublika Stadionunda keçiriləcək.