14:48 19-10-2021
news_image
143
FUTBOL

Kassano Ronaldoya “ilişdi”: “5-liy”ə də düşə bilməz”

İtaliya millisinin sabiq futbolçusu Antonio Kassano növbəti dəfə gündəmə gəlib.

Apasport.az saytının məlumatına görə, 39 yaşlı keçmiş futbolçu bu dəfə portuqaliyalı Kriştiano Ronaldoya söz atıb.

2017-ci ildə karyerasını başa vuran Kassano “Mançester Yunayted”in forvardını bütün dövrlərin ən yaxşıları sırasında görmədiyini söyləyib: “Kriştiano futbol tarixinin ən yaxşısıdır? Heç ilk “5-liy”ə də düşə bilməz. Lionel Messi, Dieqo Maradona, Pele, Yohan Kroyff və Ronaldo Nazario başqa səviyyədirlər”.

Qeyd edək ki, Kassano karyerası ərzində “Roma”, “Real”, “Milan” və “İnter” kimi nəhəng klubların formasını geyinib.