20:44 23-10-2021
news_image
217
FUTBOL

Samir Abasov: “Yetirmələrimizdən biri assist etdi, digəri qol vurdu”

“Bu gün pis oynamadıq. “Sumqayıt”la görüşdən fərqli bu gün ritm var idi. Oyundakı sürəti çox bəyəndik”.

Apasport.az saytının məlumatına görə, bunu “Neftçi”nin baş məşqçisi Samir Abasov Azərbaycan Premyer Liqasının VIII turunda “Zirə” ilə keçirilən oyun haqda danışarkən deyib.

Doğma arenasında əzmkar qələbə qazanan “ağ-qaralar” (2:1) xallarının sayını 17-yə yüksəldərək, lider “Qarabağ”a çatıb.

Qarşılaşmadan sonra təşkil edilən mətbuat konfransında Abasov əvəzetmələrin uğurlu olmasına münasibət bildirib: “Bu gün İsmayılı məcburiyyətdən meydana buraxdım. Çünki Ömər zədələnmişdi. İsmayıldan fərqli, Mirabdulla və Ramonu meydana buraxmağımız planda var idi. Sevindirici haldır ki, yetirmələrimizdən biri assist etdi, digəri qol vurdu”.