12:28 16-09-2008
news_image
634
DİGƏR NÖVLƏR

“Bürünc Əli” Maks Aleksanderə qarşı

Bakı. Kənan Həsənov - APA-Sport. Oktyabrın 4-də Rusiyanın Sankt-Peterburq şəhərində peşəkar boks gecəsi təşkil olunacaq. “APA-Sport”un məlumatına görə, bu tədbirə qatılacaq həmyerlimiz Əli İsmayılovun rəqibi müəyyənləşib.

WBO Latino versiyası üzrə “Qızıl kəmər”in sahibi olan Azərbaycan boksçusu ABŞ-lı Maks Aleksanderlə qarşılaşacaq. İsmayılovdan 7 yaş kiçik olan qara dərili idmançı peşəkar rinqdə keçirdiyi 18 döyüşün 14-də qələbə qazanıb, 2 görüşdə uduzub və 2 dəfə heç-heçə edib.

“Bürünc Əli” isə bu günədək 15 döyüşə çıxıb. 13 qələbəyə sevinən təmsilçimiz, 1 dəfə məğlub olub, 1 görüşü isə heç-heçə baş vurub.

Qeyd edək ki, Əli bu günədək ABŞ boksçusu ilə qarşılaşmayıb.